„СДСМ научи од своите грешки, тоа треба да го покажуваме на дело. Да не биде само празна флоскула. Дистанцирањето од ДУИ се однесува на повеќе аспекти, а тоа е дека имавме во минатото една непринципиелна коалиција, а секој однос на коалицирање треба да има двостран однос. Така што, дефинитивно, сите изјави коишто можете да ги видете и сите постапки коишто ги прави СДСМ и гласот на членството од нас тоа го бара“, изјави генералниот секретар на Социјалдемократскиот сојуз, Саша Димитријевиќ, во интервју за „360 степени“.

Во однос на тоа дали се работи за форсиран или искрен процес затоа што до неодамна СДСМ и ДУИ беа заедно во Владата, тој повтори дека „грешките се научени“.

„Ги научивме грешките од минатото и односот со ДУИ воопшто, односот на такво коалицирање нема да се повторува во иднина“, вели Димитријевиќ, додавајќи дека СДСМ „ќе даде комплетна понуда“ на локалните избори и „во таа понуда граѓаните ќе видат решенија независно од коалициите“.