Во тек се репрезентативните обврски, а овој период клубовите го користат за одигрување на пријателски натпревари пред новите натпревари во сезоната.

Македонскиот репрезентативец Елиф Елмас моментно е со националната А селекција за мечевите во мундијалските квалификации.

Неговиот клуб Наполи одигра контролна средба во кој го доживеа едно од најголемите понижувања во својата историја. Екипата на Лучано Спалети загуби со неверојатен резултат 5:1 од Беневенто.

„Наполитанците“ играа без репрезентативците, но затоа во тимот беа Марфела, Малкуит, Манолас, Хесус, Заноли, Фабиан Руиз, Марио Руи, Политано, Унас, Лозано, Петања, скоро половина од стандардните првотимци на кои можеше да смета тренерот Спалети.

Ова секако може да влијае на атмосферата пред големиот меч в сабота (11. септември, 18.00 часот) во рамките од италијанската Серија А кога на домашен терен ќе игра Наполи во дербито против Јувентус.