Ливерпул по пауза од 30 години ја освои титулата во Англија, а тренерот Јирген Клоп изјави дека не се заборавени навивачите кои во 1989 година загинаа на стадионот „Хилсборо“ во Шефилд.

Имено, Клоп изјави дека не е случајност тоа што Ливерпул шампионскиот пехар го крена во моментите кога имаше 96 бода на табелата.

Ливерпул уште пред неколку кола ја обебзеди титулата, но шампионскиот пехар го крена по победата над Челси во последниот натпревар кој сезонава го игра на својот „Енфилд“. Со победата во дербито, Ливерпул дојде до бројката од 96 освоени бодови, а толку навивачи на Ливерпул загинаа на „Хилсборо“.

– Не верувам дека тука има случајност. Мислам дека ова е голема работа бидејќи се совпаднаа бројките. Не може да биде случајно тоа што имавме 96 бода во ноќта кога го кренавме пехарот. Се надевам дека и семејствата на загинатите навивачи го чувствуваат истото. Ова е навистина посебно – изјави Клоп.