Конечно се тргна искинатата церада од фонтаната „Воин на коњ“ и започнаа подготовките за нејзино пуштање во функција. Кога тоа ќе се случи, засега е неизвесно, затоа што на тоа прашање не одговараат ниту од Град Скопје, ниту од ЈП „Водовод и канализација“, претпријатието надлежно за одржување на фонтаните.

Минатата година фонтаната накратко беше пуштена во мај, а потоа повторно исклучена. Без вода го дочека и летото, кога од јавното претпријатие информираа дека е исклучена за да се исчисти од нечистотијата предизвикана од обилните дождови.

Да се надеваме дека годинава нема да се повтори истата ситуација и дека туристите нема среде јули да се фотографираат покрај фонтана без вода.