Кипарската екипа на Докса Катокопиас денеска го потврди трансферот на македонскиот репрезентативен голман.

Откако му истече договорот со „романтичарите“. Дамјан Шишковски од следната сезона ќе ги брани боите на Докса која игра во најсилната кипарска фудбалска лига.

Докса беше многу блиску до испаѓање во втората лига, но поради пандемијата на коронавирус, тамошната федерација одлучи никој да не испадне, па така и следната сезона екипата ќе биде во елитата.

Во текот на минатата сезона за овој клуб играше Душко Трајчевски кој во првенството запиша 18 натпревари. Шишковски и Трајчевски повторно ќе бидат тимски колеги, откако претходно соработуваа во Работнички.

Чуварот на мрежата досега ги бранеше боите на Работнички, а беше дел уште од Гент, Лахти и РоПС.

На тој начин се зголемува бројот на наши фудбалери на Кипар, за АЕК Ларнака играат Даниел Мојсов, Иван Тричковски, неодамна потпиша Стефан Спировски, во АЕЛ Лимасол е Давор Здравковски, а во Етникос Ахна Бојан Маркоски, Мартин Богатинов и Јован Костовски.