Кинескиот претседател Си Џинпинг во петокот се сретна со водечката тајванска опозиционерка Ченг Ли Вун, во првата средба на високо ниво по една деценија. Двете страни истакнаа заложба за мир во односите меѓу Кина и Тајван, пренесе Би-би-си.

Ченг Ли Вун е првиот актуелен лидер на партијата Куоминтанг што ја посетува Кина по повеќе од една деценија. Таа се залага за мирно обединување со Кина под одредени специфични услови и, според анкетите, би можела да биде победничка на следните избори на островот. Владејачката Демократска прогресивна партија ја критикуваше посетата, обвинувајќи ја Ли Вун дека му е премногу наклонета на Пекинг.

Кина го смета Тајван за дел од својата територија и не ја исклучува можноста за употреба на сила за негово преземање.

Си изјави дека средбата имала цел да придонесе за стабилност и мирен развој на односите, нагласувајќи дека соработката е можна доколку се отфрли идејата за независност на Тајван. Тој повтори дека двете страни имаат заеднички интерес за мир.

Ченг, од своја страна, порача дека спротивставувањето на независноста и почитувањето на т.н. „консензус од 1992 година“ се начин да се избегне конфликт и да се зачува стабилноста. Овој консензус подразбира дека постои „една Кина“, но дозволува различни толкувања, додека владејачката партија во Тајван го отфрла како закана за суверенитетот.

Пекинг одбива официјален дијалог со актуелниот претседател Лаи Чинг-те, кого го нарекува „сепаратист“, и покрај неговите изјави дека ќе го задржи сегашниот статус во односите.

Поголемиот дел од жителите на Тајван се сметаат за посебна држава, но истовремено поддржуваат задржување на постојната состојба – без обединување со Кина, но и без формално прогласување независност.

Кинескиот претседател го обнови ветувањето дека ќе го врати Тајван