Кина го започна првиот вселенски експеримент во светот со вештачки човечки ембриони
Кина го започна првиот вселенски експеримент со човечки вештачки ембриони, пренесува новинската агенција „Шинхуа“.
Препорачано
– Примероците се наоѓаат на кинеската вселенска станица, а истражувањето напредува добро – изјавиле кинеските научници.
Примероци од човечки вештачки ембриони, доставени од товарниот вселенски брод „Тјанџоу-10“, лансиран претходно оваа недела, се инсталирани во експерименталниот модул на вселенската станица, соопшти Центарот за вселенска технологија и инженерство на Кинеската академија на науките.
Џу Лекјан, раководител на овој проект, рече дека целта на истражувањето е да се спроведат прелиминарни истражувања за долгорочниот престој, преживувањето и репродукцијата на луѓето во вселената.
– Човечкиот вештачки ембрион е направен од човечки матични клетки како суровина. Ова не е вистински човечки ембрион и нема способност да се развие во човечка единка. Сепак, може да послужи како модел за проучување на раниот човечки развој – објаснил Џу.
