Поранешниот англиски репрезентативец и легенда на Манчестер јунајтед, Рој Кин, остро реагираше на дел од навивачите на Ливерпул кои го пречекаа Трент Александер-Арнолд со негодување и силни свирежи при неговиот влез во игра во 80. минута од мечот на „Енфилд“.

Свирежите следеа по неговиот трансфер во Реал Мадрид, а претходно беше уништен и мурал во негова чест – што се смета за продолжение на негативната реакција кон англискиот репрезентативец.

„Зошто би оделе на натпревар за да свирите на играч кој одиграл 260-270 натпревари за вас? Неговата статистика е неверојатна – помогна клубот да освои две Премиер лиги и Лига на шампиони. Тој си ја држеше главата долу, не сакаше да влегува во игри со навивачите“, изјави Кин.

Тој истакна дека однесувањето на трибините било „многу лошо“, додека Трент, според него, реагирал зрело и професионално.