Легендарниот шпански голман, Икер Касиљас не е задоволен што поранешниот играч на Барселона, Лионел Меси е годинешен добитник на „Златната топка“ и истакна дека му е тешко да поверува во наградите.

Вчера Меси на свечена церемонија во Париз, по седми пат е прогласен за фудбалер на годината, но одуката токму Аргентинецот да биде лауреат предизвика големи критики во фудбалскиот свет, а на нив им се прикучи и Касиљас.

„Се потешко ми е да поверувам во фудбалските награди. За мене Меси е меѓу петте најдобри фудбалери во историјата, но мора да знаете како да ги оценувате ТОП фудбалерите по сезоната. Тешко! Другите тоа го отежнуваат“, напиша Касиљас на својот Твитер профил.

Вчера Меси по седми пат ја освои „Златната топка“ и стана фудбалер со највеќе признанија кои ги доделува „Франс фудбал“, зад него е Кристијано Роналдо со пет.