Машката штафета на САД на 4х100 метри се посрамоти во квалификациите и не само што не успеа да се пласира во финалето, туку нејзините спринтери на патеката на Олимпискиот стадион во Токио изгледаа како прв пат да трчаат штафета.

Дебитантот Рони Бејкер наместо палката прво го зграпчи дресот на Фред Керли, потоа ја промаши штафетата за да успее од третиот обид и тоа откако Бејкер буквално со двете раце му ја донесе палката пред лице.

Тоа ги уништи шансите на САД да се пласираат во финалето бидејќи завршија на шестото место во својата квалификациска група.
– Едноставно е, денеска не ја завршивме работата. Тоа е се – изјави Керли по трката.

Но, ваквото оправдување наиде на револт кај поранешните спринтери. Посебно гневен беше легендарниот Карл Луис кој има девет златни медали од Олимписките игри.
– Ова е како НФЛ тренер да го предводи својот тим во Супербоул и да загуби со резултат 99:0 бидејќи биле неподготвени. Ова е неприфатливо. Си играме со човечки животи, поради тоа сум многу лут. Ова апсолутно можеше да се избегне. Цел САД седи и навива за нив, а потоа добива ваква кловновска претстава. Не можам да го поднесам. Ова е неприфатливо, не е тешко да се трча во штафета – изјави Луис.

Свој коментар имаше и Усаин Болт.
„Тимот на САД погреши буквално во се. Системот на предавање на палката беше погрешен, атлетичарите трчаа во погрешни етапи и беше јасно дека нема лидери. Апсолутна срамота и неприфатливо е тимот на САД да изгледа вака“, напиша Болт на својот профил на Твитер.

The USA team did everything wrong in the men’s relay. The passing system is wrong, athletes running the wrong legs, and it was clear that there was no leadership. It was a total embarrassment, and completely unacceptable for a USA team to look worse than the AAU kids I saw .

— Carl Lewis (@Carl_Lewis) August 5, 2021