Нашите секојдневни навики имаат поголемо влијание врз здравјето отколку што мислиме. Урамнотежената исхрана, редовната физичка активност, доволен сон и способноста како да го управуваме стресот може да направат чуда. Повремената брза храна нема да направи голема штета, но, ако поголемиот дел од времето живееме нездраво, ни еден „добар ден“ тоа не може да го надомести.

Добра вест е дека никогаш не е доцна за промена. Кардиолозите истакнуваат дека постои едноставен, пријатен и ефикасен утрински ритуал кој особено го препорачуваат на жени постари од 50 години, пишува „Парада“ (Parade).

Зошто здравјето на срцето е клучно по педесеттата?

Грижата за срцето е важна на секоја возраст, но по педесеттата година станува клучна. Кардиологот д-р А. Гарви Рене предупредува дека со годините расте ризикот од срцев и мозочен удар, како и од болести на бубрезите. Поради тоа секоја личност постара од 50 години треба редовно да го проверува крвниот притисок и нивото на шеќер во крвта, уште пред да почне да воведува нови здрави навики.

Со него се согласува и кардиологот д-р Марк Т. Лофман кој истакнува: „До петтата деценија од животот почнуваме да забележуваме значително зголемување на здравствените проблеми поврзани со срцето, вклучувајќи ги срцевиот и мозочниот удар и болести на бубрезите. Преземањето чекори за зачувување на кардиоваскуларното здравје може да помогне во намалувањето, одложувањето или избегнувањето на овие компликации.“

Тој додал дека редовните, сеопфатни прегледи се неодминлив дел од превенцијата.

„Тоа не значи само рутински преглед, туку и заедничка работа на вашите индивидуални фактори на ризик и следење на комплетниот здравствен профил. Таквите прегледи треба да вклучуваат и разговори за исхраната, физичката активност и животните навики“, истакнал д-р Лофман.

Најдобриот утрински ритуал за срцето

Според д-р Рене, жените постари од 50 години треба да го започнат денот со пешачење.

„Брза прошетка од 20 или 30 минути е одличен начин да го заштитите вашето срце“, истакнува тој.
Американската асоцијација за срцето препорачува најмалку 150 минути умерена активност неделно, што лесно може да се постигне со кратка прошетка секое утро. Иако 20 минути може да делуваат малку, редовноста е клучот на успехот и резултатите.

Науката ги потврдува придобивките од одењето

Брзото одење значи темпо од најмалку 4 км/час – доволно брзо за вашето срце да побрзо да чука, но сепак да можете да разговарате. Многу истражувања покажале дека редовното пешачење:

– Го намалува ризикот од кардиоваскуларни болести
– Го подобрува регулирањето на шеќерот во крвта
– Го намалува ризикот од дијабетес тип 2 и деменција
– Го продолжува животниот век
– Покрај физичките придобивки, одењето на отворено го намалува стресот, а токму тоа, истакнува д-р Рене, дополнително го чува здравјето на срцето.