Канје Вест нема да биде дел од претседателската трка во САД во 2024 година, пишува „Билборд“.

По неуспешната кампања за место во Белата куќа во 2020 година, раперот нема да го предизвика претседателот Џо Бајден следниот ноември, според неговиот личен адвокат Брус Маркс.

Маркс изјави за „Ролинг Стоун“: „Тој не е кандидат за функцијата во 2024 година“.

Политичкиот комитет на Канје 2020 издвои 0 долари за прелиминарни избори во сите 50 сојузни држави, според поднесокот до Федералната изборна комисија, која известува за трошоците за периодот од јануари до септември оваа година. Канје 2020 не собра пари во последниот извештајен период и севкупно има помалку од 25.000 долари готовина, според извештаите.

Канје никогаш не го сметаа за сериозен кандидат за претседател во неговата прва кандидатура, а се појави на гласачките ливчиња само во 12 држави. Тој во голема мера го избегнуваше центарот на вниманието во последниве месеци поради последиците од низата антисемитски забелешки и непредвидливото однесување.

Вест не коментираше јавно за изгледите тој да се кандидира за функцијата во 2024 година.

ФОТО | Испливаа пораки меѓу Канје и Илон Маск: Не сум биполарен, точно знам што ми е