Како изгледаат солзите од среќа, тага, сецкање кромид…? (ФОТО)
Еден фотограф се одлучи преку уметноста да го истражи неверојатниот микросвет на солзите, па така тој воочил интересни разлики во нив.
Малку е познато дека солзите можат да се поделат во три групи: основни, рефлексни и емоционални. Иако ни е познато како доаѓа до плачење од овие три причини, она што науката долго не го знаеше е дека овие три вида на солзи, всушност, изгледаат сосема различно. Што е со нивниот состав?
Холандскиот фотограф Морис Микерс одлучи од уметничка перспектива да го истражи ова прашање, па така тој неговиот проект го нарече „Имагинариум на солзите“, кој му овозможи да го запознае овој мистериозен микросвет во моментите на тага, радост, како и некои од секодневните работи при кои доаѓа до спонтано создавање на солзите.
Тој во текот на својта работа и истражување забележал дека различните солзи микроскопски изгледаат сосема поинаку.
„Науката вели дека секоја солза има поинаква вискозност и состав. Сите солзи содржат бројни биолошки супстанци, вклучувајќи и масло, антитела и ензими“, вели Микерс.
Тој својот проект успеал да го спроведе во дело благодарение на своите пријатели, кои сецкале кромид, јаделе лути пиперчиња, гледале во вентилатор и плачеле поради силните (и позитивни и негативни) емоции. Кога солзите започнале да капат, Микерс ги земал со микропипета и ги ставал под микроскоп, а потоа, откако се исушиле, ги фотографирал.
„Структурите набљудувани под микроскоп и на фотографиите се многу кристализирани соли, а околностите во кои солзите се сушат можат да доведат до радикално различни облици и формации – дури и две „психички солзи“ кои имаат идентичен хемиски состав, можат одблиску да изгледаат сосема поинаку“, заклучи Микерс.
РЕЗУЛТАТИ:
Погледнете како изгледаат различните солзи под микроскоп…