Ги знаеме здравствените предности на маслиновото масло и секако сакаме да одбереме квалитетен производ за нас. Обично, скапите производи ги изедначуваме со квалитетни, но не мора да значи дека е така. Може да одбереме висококвалитетно маслиново масло кое има пристојна цена, а може и да го „преплатиме“ нетолку квалитетното маслиново масло спакувано во примамлива амбалажа.

Совет бр 1.

Ова е и најважниот совет сугериран од познавачите на маслиново масло: Квалитетното маслиново масло треба да има силна миризба на маслинки и трева, и да е со горчливо вкус.

Совет бр. 2

Маслата на кои не е наведен рокот на траење најчесто долго стојат на полиците, а тоа им го расипува вкусот. По правило, маслиновото масло не треба да биде постаро од една година.

Совет бр 3.

При изборот, одлучете се за маслиново масло на кое е наведена киселост не поголема од 0,5 отсто. Така ќе бидете сигурни дека маслинките се обработени непосредно по бербата.

Совет бр.4

Најголемите непријатели на маслиновото масло се топлината и светлината што предизвикуваат побрзо расипување. Затоа, барајте маслиново масло што е спакувано во темно стаклено шише, а не во пластично. Дома пак, претурете го во мало шишенце и чувајте го во шкафот што подалеку од шпоретот или каков било друг извор на топлина и светлина. Останатиот дел од маслиновото масло сместете го на температура од 14 или 15 степени.

Совет бр.5

Најквалитетните маслинови масла кај нас доаѓаат од Грција и од Италија, сега и Хрватска (Ако најдете некое од Истра, не двоумете се). Ако купувате грчко или италијанско маслиново масло, проверете на етикетата дали тоа навистина е произведено во Италија, односно во Грција. Се случува под етикетата да „стојат“ други земји .

Совет бр.6

Пластиката е штетна за чување на маслиновото масло. Па во изборот на квалитетно маслиново масло, може да тргнете токму оттука.