Јулијан Нагелсман официјално се повлече од функцијата селектор на фудбалската репрезентација на Германија, со што стави крај на неговиот мандат по разочарувачкиот настап на националниот тим на Светското првенство.

Нагелсман откри дека поминал неколку дена размислувајќи за елиминацијата на Германија во 1/16 финалето против Парагвај пред да одлучи да се повлече од селекторската клупа. Поранешниот тренер на Баерн Минхен, РБ Лајпциг и ТСГ Хофенхајм нагласи дека негов приоритет отсекогаш бил успехот на националниот тим и верува дека промената сега е во најдобар интерес на Германија.

– Многу размислував во деновите по нашата елиминација и се консултирав со доверливи лица и лично и во рамките на федерацијата. Одлуката беше сè друго освен лесна за мене. Мојот главен приоритет отсекогаш бил успехот на тимот. По толку горчливо разочарување, тие заслужуваат шанса за нов почеток – вели Нагелсман.

Асистентите на Нагелсман, Бенџамин Глик и Бенџамин Хибнер, исто така поднесоа оставки и ќе го напуштат германскиот тим заедно со Нагелсман.

Се очекува ДФБ да започне со потрага по нов селектор, бидејќи подготовките за следниот меѓународен циклус се во тек. Главен кандидат според повеќе медиуми останува поранешниот менаџер на Ливерпул, Јирген Клоп.

🚨🚨 OFFICIAL: Julian Nagelsmann leaves his role as German national team head coach.

It’s over. 🇩🇪

Top target: Jürgen Klopp. 🔜 pic.twitter.com/VcVyPfhtcS

— Fabrizio Romano (@FabrizioRomano) July 3, 2026

Јирген Клоп би можел да биде нов селектор на Германија