Кошаркарите на Денвер беа поразени од Чикаго булс во НБА лигата и го забележаа својот трет пораз од почетокот на сезоната – 130:127.

Во Колорадо видовме одличен натпревар, а во кој повторно одлични перформанси имаше српскиот центар на Нагетс, Никола Јокиќ.

Србинот ги поместува границите од ден на ден, од меч во меч. Сега, по само 22 минути игра, запиша нов трипл-дабл учинок, на крајот завршувајќи го натпреварот со 36 поени, 18 скока и 13 асистенции.

На овој начин, Јокиќ стигна до својот осми трипл-дабл во 13 одиграни натпревари, а кога ќе се погледне листата на играчи кои ги исполниле трите статистички колони оваа сезона, следните тројца играчи заедно имаат вкупно седум.

Воедно, Јокиќ го надмина и легендарниот Вилт Чемберлен, како втор играч во историјата на НБА по најмногу натпревари со најмалку 30 поени, 15 скока и 10 асистенции.

Nikola Jokic passes Wilt Chamberlain for the 2nd most games with 30 PTS, 15 REB, & 10 AST. pic.twitter.com/URPYAcPcHM

— Real Sports (@realapp) November 18, 2025