Репрезентацијата на Велика Британија приреди сензација во синхронизирани скокови во вода од 10 метри, освојувајќи го златниот медал пред фаворизираните кинески скокачи.
За прв пат од Олимписките игри во Сиднеј 2000 година, Кинезите не се олимписки шампиони, а вниманието на јавноста го призвлече изјавата на новиот олимписки шампион Том Дејли по освојувањето на златниот медал.

Том Дејли има 27 години, роден е во Плимут и е поранешен светски шампион, а исто така е и меѓу првите британски спортисти кој призна дека е геј.
– Јас сум геј кој е олимписки шампион. Се чувствувам навистина моќно поради тоа, кога бев млад не мислев дека ќе направам нешто големо поради тоа што сум – изјави Дејли по остварувањето на најголемиот успех во кариерата.

– После толку години имам златен медал околу вратот. Многумина ме отпишуваа и ми зборуваа дека поминаа моите најдобри години, но јас сум во најдобра физичка и психичка форма во својот живот. Менталитетот не донесе до златото. Ќе учествувам и во поединечна конкуренција – додаде Дејли.

Дејли и Ли го освоија златниот медал во Токио со освоени 471.81 поени, пред големите фаворити Чао и Чен од Кина кои имаа 470.58 поени. Третото место им припадна на руските скокачи во вода, Бондар и Минибаев кој имаа 439.2 поени.

GOLD!!! 🇬🇧🥇

Tom Daley and Matty Lee are the Olympic champions in the men’s synchronised 10m diving!

What a moment! ❤

Watch on @BBCOne and online https://t.co/QL917cmMqO #bbcolympics #tokyo2020

— BBC Sport (@BBCSport) July 26, 2021