Јапонска пливачка ја победи леукемијата и обезбеди пласман на Олимписките игри
Рикако Икее откако ја заврши штафетната трка на 4х100 метри, цврсто ја стегна раката, ги прегрна своте противнички во соседната патека и потоа се расплака бидејќи успеа да обезбеди пласман на Олимписките игри во Токио.
Јапонската пливачка со овој голем успех успеа да ги „победи“ сите кои не и даваа големи шанси да обезбеди олимписка виза, откако во 2019 година дозна дека боледува од леукемија.
Но, осум месеци по враќањето во базените, Икее победи на националното првенство во дисциплината 100 метри пеперутка. Икее се врати во базените во август минатата година, но тогаш изјави дека нејзината цел не се Игрите во Токио кои ќе се одржат ова лето, туку Олимписките игри во Париз 2024 година.
– Пресреќна сум. Мојата цел не беше победа, но успеав. Без разлика на тоа каков резултат ќе остварам, среќна сум што ќе бидам дел од Игрите – изјави Икее.