Фудбалската репрезентација на Македонија денеска ги почна подготовките за натпреварите против БиХ и Турција, а пред овие дуели изјава даде фудбалерот Јани Атанасов.

Дуелите се од пријателски карактер, меѓутоа како што вели Атанасов, тоа не е важно кога се игра за Македонија.

„Кога доаѓаме во репрезентацијата на Македонија, не постојат пријателски натпревари. Тука сме да го дадеме максимумот и да покажеме дека заслужено го носиме македонскиот дрес“, истакна македонскиот репрезентативец Јани Атанасов.

Верува и дека новите имиња имаат квалитет да се докажат.

„Верувам дека селекторот ги избрал вистинските фудбалери. И ние пред неколку години дојдовме како нови играчи, дадовме сè од себе и се надевам дека сите заедно ќе продолжиме да туркаме кон големи успеси“, додаде тој.

Против БиХ посакува победа, иако е свесен дека станува збор за квалитетна репрезентација.