Во петтото коло од најсилното италијанско кошаркарско првенство екипата на Тренто загуби на домашен терен со 102:83 против Виртус Болоња.

Македонскиот репрезентативец Андреј Јакимовски настапи за тимот на Тренто и беше втор стрелец со 12 поени (шест скока, две асистенции) за 25 минути игра на паркетот.

Поефикасен од нашиот играч беше само Камерунецот Џордан Бајехе со 13 поени. На спротивната страна Американецот Мет Морган беше прв стрелец со 17 поени, следен од неговиот сонародник Карсен Едвардс со 15.

За Тренто ова е втор пораз во шампионатот и се наоѓа на седмото место со шест бодови.

Виртус Болоња по четвртата победа е на второто место со осум бодови, колку и водечката Бреша.