Андреј Јакимовски, беше убедливо најдобриот кошаркар во редовите на италијанскиот Тренто, во дуелот со Кемниц во рамките на осмото коло од Еврокупот.

Одличната партија на Македонецот во која постигна 30 поени, не беше доволна за победа на својот тим, затоа што на крајот германската екипа славеше со 105:94.

За нешто повеќе од 26 минути минати на паркетот, нашиот репрезентативец постигна 30 поени (3/8 за три поени, 6/9 за два, и максимални 9/9 од линијата за слободни фрлања), а имаше и осум скока, пет од нив во фазата на нападот.

За Тренто ова беше петти пораз во Еврокупот, а има и три победи за моментно осмо место на табелата.

Во следното коло италијанскиот претставник ќе игра против германскиот Улм на гости на 12 декември.