Денеска во 14 коло од Еврокупот кошаркарите на Тренто на домашен терен потешко од очекувањата дојде до победата над Паниониос со резултат 88:87.

Грчкиот претставник беше блиску до изненадување, во последната четвртина имаше и пет коша разлика, но во самиот финиш кој донесе многу возбудувања, се радуваше италијанската екипа која дојде до значаен триумф во натпреварувањето.

После осмата победа сезонава Тренто е на петтото место и е во трка за една од позициите кои водат во плеј-офот, додека Паниониос е на последната 10 позиција (2-12).

Македонскиот репрезентативец Андреј Јакимовски во денешната победа за 16:52 минути на паркетот придонесе со седум поени и еден скок.

Кај неговите соиграчи најефикасен беше Американецот Ди-Џеј Стјуард со 16 поени, и по четири скока и асистенции, а на спротивната страна доминираше Гиоргиос Цалмпурис со 19 поени и пет скока.