Израелски авиони пукаа врз 15 цели во Појасот Газа, погодена и воена база за производство на оружје – Слободен печат
ВестиПланета

Израелски авиони пукаа врз 15 цели во Појасот Газа, погодена и воена база за производство на оружје

Војската соопшти дека смета дека Хамас, кој управува со Газа, е одговорен за ракетниот оган.

Израелската војска изврши серија воздушни напади рано утринава врз цели во Појасот Газа, неколку часа откако беа истрелани две ракети од таа палестинска територија кон јужните израелски градови Ашкелон и Ашдод, каде израелскиот премиер Бенјамин Нетнјаху одржуваше предизборни митинзи.

Борбени авиони погодиле 15 цели низ Појасот Газа „вклучувајќи повеќе цели во воена база каде се произведувало оружје, цели во поморски комплекс и терористички тунел што припаѓаат на терористичката организација Хамас, пренесуваат израелски медиуми.

Војската соопшти дека смета дека Хамас, кој управува со Газа, е одговорен за ракетниот оган.

Палестински извори известија за жестоки напади и експлозии во Беит Лахија северно од градот Газа и Деир ел-Балаху во централниот дел на појасот, како и Кан Јунис на југ.

Нема информации за повредени лица.

Нападите следуваа откако Нетанјаху, кој истовремено е и министер за одбрана, се состана со воените команданти и началниците на Мосад и безбедносната служба Шин Бет во воениот штаб во Тел Авив.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close