Тројца палестински полицајци беа убиени  во израелското гранатирање на Рафах, во јужниот дел на Газа, и покрај договорот за прекин на огнот.

Палестинските власти соопштија дека полицајци биле распоредени за да обезбедат влез на хуманитарна помош во Ал-Шавки, источно од Рафах.

Министерството за внатрешни работи во Газа  најостро го осуди нападот и ги повика посредниците и меѓународната заедница да извршат притисок врз окупаторските сили да ги запрат нападите врз полициските сили, кои се цивилно тело одговорно за одржување на јавниот ред и организирање на секојдневните активности.

Палестински полицајци се распоредени за да обезбедат влез на хуманитарна помош во опколената енклава во согласност со договорот за прекин на огнот меѓу Хамас и Израел.

Палестинските власти се пожалија дека Израел не го исполнува својот дел од договорот за ослободување дополнителна хуманитарна помош.

Израелската војска тврди дека тие биле насочени кон палестинските борци кои им се приближувале на нивните сили во областа.

Договорот за прекин на огнот на 19 јануари ја запре израелската геноцидна војна во Газа, во која загинаа повеќе од 48.200 луѓе.