Излечениот Речбер открива: Постои лек за ковид-19, го применија на мене
Легедарниот турски голман, Рушту Речбер, вели дека постои лек за коронавирусот и благодарение на него тој се излечил.
Речбер на 29.март откри дека бил позитивен на коронавирус и веднаш беше хоспитализиран во болница во Истанбул. Во меѓувреме неговото здравје се подобори и тој моментно се наоѓа во самоизолација во својот дом. Тој тврди дека постои лек за коронавирусот и бил применуван на него.
– Ова беше долг и тежок процес на лекување. Постои лек за овој вирус, лекарите го применуваа на мене. За време на тие 10 дена, лекарите интензивно ме лекуваа со него. Исто така подршката од најблиските беше фантастична, последно е да верувате дека ќе излезете како победник кога сите се покрај вас – изјави Речбер.
Во Турција досега се регистрирани 65.111 лица кои се позитивни на ковид-19 од кои 1.403 го загубија животот.