Ново големо признание за една од најдобрите судијки во македонскиот фудбал, Ивана Пројковска ќе дели правда на натпревар од полуфиналето во женската фудбалска Лига на шампионите.

В недела на 28 април во Париз на „Паркот на Принцовите“ со почеток од 16.00 часот Пројковска ќе застане на центарот за дуелот меѓу француските екипи на ПСЖ и Олимпик Лион.

По првиот меч тимот на Олимпик Лион има минимална предност од 3:2.

Помошници на Пројковска ќе бидат Вјолца Изеири (Македонија) и Сташа Шпур (Словенија), додека четврти судија е Јелена Цветковиќ од Србија.

В сабота ќе се игра првото полуфинале во ова елитно натпреварување, во Лондон на Стемфорд Бриџ“ од 18.30 часот ќе се соочат англискиот Челси и шпанската Барселона. По првите 90 минути Челси има позитива од 1:0.