Само два дена пред стартот на Зимските олимписки игри во Италија, од Апенините пристигнуваат информации за спречен сериозен сајбер напад, за кој италијанските власти тврдат дека има траги кои водат кон Москва.

Според достапните информации, хакерските напади биле насочени кон клучни државни институции, меѓу кои и системи на италијанското Министерство за надворешни работи. Мета биле и италијанската амбасада во Вашингтон, како и интернет-страници поврзани со организацијата на Зимските олимписки игри, но и хотели во Кортина, еден од главните олимписки центри.

Случајот го потврди и шефот на италијанската дипломатија, Антонио Тајани, кој јавно изјави дека надлежните служби утврдиле дека нападите потекнуваат од руска страна.

Игрите официјално започнуваат за два дена, а свеченото отворање е закажано за петок, што дополнително ја зголемува чувствителноста на ситуацијата. Во меѓувреме, беше откриено и дека се компромитирани лични податоци, имиња и е-пошта адреси на вработени во Министерството за одбрана, кои подоцна се појавиле на таканаречениот „dark web“.

Според информациите од истрагата, сајбер криминалците дошле до овие бази на податоци преку пробивање на системите на надворешен изведувач, ангажиран од Министерството за одбрана за одржување и градежни активности. Италијанските власти уверуваат дека безбедносната состојба е под контрола, но истрагата продолжува со засилено темпо.

❄️ 🇮🇹 🇷🇺 Italy has thwarted a series of Russian cyberattacks targeting the Milan-Cortina Winter Olympics, the foreign minister said on Wednesday, as security operations ramp up just hours before the first sporting events ➡️ https://t.co/fRaGoG0iPg pic.twitter.com/6Zhk10IMyp

— AFP News Agency (@AFP) February 4, 2026

Линдзи Вон посилна од повредата – додека има шанса, ќе се обиде да настапи на ЗОИ 2026