Идејата за воспоставување железничка линија меѓу Трст и Белград повторно е актуaлизирана при посетата на италијанскиот министер за инфраструктура и транспорт Матео Салвини на Србија, пишуваат српските медиуми.

Планираната траса би минувала низ Италија, Словенија, Хрватска и Србија, а Италија сака да има водечка улога во проектирањето на новиот железнички коридор.

Линијата би се користела и за патнички и за товарен сообраќај и би ги поврзала пристаништата на северниот Јадран со пазарите во Југоисточна Европа.

Проектот се вклопува во долгорочните планови на Србија за развој на транспортната инфраструктура до 2035 година.

Главна пречка е различната развиеност на железничката мрежа во земјите низ кои би минувала трасата.

Во Хрватска делови од пругата сè уште се едноколосечни, додека во Србија е модернизиран дел од линијата од Белград кон хрватската граница.

Трст би бил главна влезна точка кон Западен Балкан, со што дополнително би се зајакнала неговата улога како важен регионален транспортен и логистички центар.

Научниците развија метод за проценка на анксиозноста кај кучињата