Британски турист го загуби животот за време на семејниот одмор на островот Ибица, Шпанија, додека се спуштал по воден тобоган во хотелскиот базен, пишува „Дејли меил“.

Мажот на возраст од 64 години не се појавил повторно на површината на водата, а сè се случувало пред очите на неговата сопруга и на ќерката, кои во тој момент го набљудувале.

Несреќата се случила во хотел во познатото туристичко место Кала Тарида, на западниот брег на Ибица.

Хотелскиот персонал веднаш започнал со кардиопулмонална реанимација и употребил автоматски дефибрилатор, откако било утврдено дека мажот доживеал срцев застој. И покрај сите напори на медицинските екипи, неговиот живот не можел да биде спасен и лекарите констатирале смрт на местото на настанот.

Портпаролот на Цивилната гарда потврди утрово:

„Британски турист на возраст од 64 години починал по инцидент во хотел во Кала Тарида на Ибица во саботата наутро“.

Шпанската полиција отвори истрага за околностите под кои дошло до трагедијата.

Овој случај повторно ја отвори темата за безбедноста на базените во туристичките центри. Во текот на изминатиот месец, во Шпанија се регистрирани неколку трагични давења, меѓу кои и четири деца од Велика Британија кои ги загубиле животите во базени. Меѓу нив е и тригодишно девојче, кое било пронајдено како плови со лицето надолу во базен на куќа за одмор на Мајорка, но и покрај обидите на лекарите не успеало да преживее.

Пронајден мртов бизнисменот Марјан Јованов познат како „Мане-Левис“