Италијанскиот министер за надворешни работи Антонио Тајани, во разговор за јавната телевизија Раи, се осврна на случајот со користењето на замрзнатите руски средства.

„Можеби би било подобро да се размислува за други решенија“, рече шефот на италијанската дипломатија.

„Ова е случај што мора да се оцени на правна основа. Се согласувам со потребата од поддршка на Украина, вклучително и финансиски. Прашањето е дали овие средства можат да се користат за финансирање на Украина. Проблемот е што правната основа е особено слаба“, додаде Тајани.

„Доколку Судот на правдата на Европската Унија пресуди во корист на Русија, ќе мора да ги вратиме парите и да претрпиме политички пораз. Бидејќи ако бидете осудени од Судот на правдата на ЕУ, сте и политички изложени“, заклучи италијанскиот министер за надворешни работи.