Италијанското Министерство за здравство испрати итно предупредување дека околу 250 милиони медицински маски увезени од Кина минатата година, за време на првиот бран на пандемијата, не филтрираат доволно и поради тоа треба да се повлечат од употреба.

Таквите маски се доделени во здраствените институции и старските домови.

Во предупредувањето од Министерството за здравство се наведува дека треба да се повлечат 12 типови на медицински маски од сериите Ффп2 и Ффп3 бидејќи десетпати имаат помала моќ за филтрација од наведеното на декларацијата на производот.

Здравствена институција од Горација алармираше за маските по направените тестови, при што е утврдено дека не штитат доволно, а подоцна се вклучи и Обвинителството, кое ја испитува одговорноста на поранешниот директор на Цивилната заштита Доминик Аркури, кој ја одобри набавката на медицински маски за 1,25 милијарди евра.