Истражување открива: Едноставна промена во вашата дневна рутина може да го намали крвниот притисок
Дaли се обидувате да го намалите крвниот притисок? Седете помалку секој ден и може да видите изненадувачки резултати, велат експертите.
Препорачано
Новото истражување сугерира дека седењето помалку во текот на денот може да направи чуда за вашето здравје. Минатиот месец во „ЈАМА Опен нетворк“ беше објавена студија во која беа опфатени 283 постари лица на возраст меѓу 60 и 89 години, кои беа поделени во две групи: интервентна и контролна.
Членовите на контролната група беа вклучени во десет состаноци со тренер кој им помогна да си постават цели за поздрав живот. На членовите на интервентната група им беше дадена стоечка маса и апарат за следење на фитнес што ги потсетуваше да прават паузи за време на продолжено седење.
Се покажа дека интервентната група го намали дневното време поминато во седечка положба за околу 32 минути, додека контролната група немаше промени во количината на седење. Исто така, крвниот притисок на испитаниците од интервентната група беше намален, што сугерира дека само 30 минути помалку седење дневно може да го подобри кардиоваскуларното здравје.
Научниците заклучија дека кај популациите со поголем ризик од кардиоваскуларни болести и поврзани здравствени резултати, малите промени во шемите на седење се доволни за да се подобри нивниот крвен притисок.
