Искуството на Николас Кејџ со коцкањето е приказна на денот!
Оскаровецот Николас Кејџ му отрил на Мерлин Менсон интересна коцкарска анегдота, која придонела многумина да го сметаат за легенда.
Славниот актер кариерата ја започна со малата улога во култната комедија „Златното време во Ридгемонт“ од 1982 година. Оттогаш тој глумел во бројни филмови поврзани со Лас Вегас и коцкањето, а за еден од нив, „Напуштајки го Лас Вегас“ во 1996 година е награден и со Златен глобус.
Но, откако донесе бројни зачудувачки финансиски одлуки (вклучувајќи го и купувањето на 15 куќи и украден череп од диносаурус, кој го чинеше 276 илјади долари), тој се најде во проблеми и започна да ја прифаќа речиси секоја улога која му беше понудена.
Во текот на гоините, Кејџ стана извор на фасцинантни анегдоти, а некои од нив ги сподели и во интервјуто со Мерлин Менсон. Во еден момент од нивниот разговор тема станало коцкањето, а Кејџ кој живее во Лас Вегас, откри дека ги избегнува казината. Сепак, Кејџ еднаш, пред околу 30 години, седнал на коцкарското столче, а поради тоа што следело многумина повторно го нарекле легенда.
„Бев на Бахамите, влегов во казино и се чувствував победнички, како ништо да не може да тргне на лошо. Моја игра беше рулетот. Влегов со 200 долари и не пропуштив број, до таа мера што госпоѓата кога го вртеше рулетот кажа дека за неа нема ништо послатко од повторувач“, раскажа тој и додаде:
„За 20 минути 200-те долари ги претворив во 20 илјади долари, па отидов и најдов едно сиропиталиште на Бахамите, ги запознав сите деца и директорката и им реков: Ова е за вас. И ги ставив во раката сите пари и заминав. Никогаш повеќе не сум се коцкал, бидејќи доколку го сторев тоа, тоа би ја уништило силата на тој момент“, поентираше актерот.