Исчезнатиот скопјанец Абдул Албиен пронајден мртов
Семејството на скопјанецот Абдул Албиен кој исчезна пред 13 месеци, денеска информираше дека тој е пронајден мртов.
-Со огромна болка и тага сакаме да споделиме со Вас дека моштите на нашиот татко Алибен Абдул беа пронајдени. Денес нашето семејство ја доби оваа вест која ја споделуваме со цел да се заблагодариме на сите кои безрезервно ни беа поддршка и сила во изминативе 13 месеци. За сите кои се инвестираа во потрагата, Ви благодараме. На ден 21.03.2020 Сабота во 13 часот моштите на нашиот татко ќе бидат положени на гробиштата во Бутел- напиша неговата ќерка Мелиса на Фејсбук.
Со оглед на изречените мерки за социјално дистанцирање, пишува Мелиса, се задржуваме во округот на најблиското семејство и замолувам за одговорност на сите кои сакаат да присуствуваат и да се збогуваат со потребни мерки за самозаштита.