Исчезна двегодишно девојче од Бор, активиран системот „Најди ме“
Две годишното девојче Данка Драгомировиќ исчезна во Бањско поле, една од населбите кај источниот српски град Бор. Во потрагата се вклучија и граѓани, кои се организираа и почнаа да го бараат детето.
Како што кажала мајката, таа е облечена во виолетови панталони, јакна во маслинесто зелена боја, а косата и е врзана во опавче.
Поради исчезнувањето на малата Данка, вечерва за првпат во Србија е активиран системот популарно наречен „Amber alert“, официјално наречен „Најди ме“, кој итно ја информира јавноста за исчезнување на дете.
Малото девојче се уште не зборува, а побегнало од погледот на мајката додека му давала вода на синот. Потрагата трае со часови, а во моментов околу 300 луѓе трагаат по девојчето.