Ирска во 2022 година ќе ги намали даноците, ќе ги зголеми пензиите и детскиот додаток и ќе обезбеди ваучери за плаќање сметки за струја и гас за да им помогне на граѓаните да ги поднесат сѐ поголемите трошоци за живот, пренесува Ројтерс.

Даблин ќе ја продолжи програмата за субвенционирање на платите до вториот триместар.

Пакетот мерки што ќе биде објавен утре вреди 4,7 милијарди евра, а ќе вклучува значително поголеми вложувања, пред сѐ во достапни станови, објави Ројтерс.

Министерството за финансии на Ирска во саботата прогнозата за буџетски дефицит за годинава ја намали од 5,1 на 3,1 отсто бидејќи буџетските расходи биле помали, а даночните приходи како и економскиот раст биле поголеми од очекуваното.