Американските власти се сомневаат дека хакери поврзани со Иран стојат зад серија сајбер напади врз системи за следење на резервоарите за гориво што ги опслужуваат бензинските пумпи во неколку американски држави, објави CNN, повикувајќи се на извори запознаени со истрагата.

Според овие наводи, целите на нападите биле автоматски системи за мерење на нивото на гориво, познати како ATG, кои во некои случаи биле поврзани со интернет и недоволно заштитени. Хакерите, според изворите, можеле да ги променат отчитувањата прикажани на екраните, но не и вистинската количина на гориво во резервоарите.

Експлозивни направи како паричници и плишани играчки во Курската област ооставаат Украинците

Сè уште не е познато дали упадите предизвикале физичка штета. Сепак, американските власти и приватните експерти за сајбер безбедност предупредуваат дека пристапот до вакви системи покренува сериозни безбедносни проблеми, бидејќи, теоретски, би можел да овозможи прикривање на протекување на гориво или други неправилности во работењето на складиштата.