Инцидент во Чаир: Насилник му се нафрлил со нож на полицаец, нападнал и уште еден човек
Скопјанец, чија возраст полицијата не ја соопштува, е уапсен вчераутро во населбата Чаир, откако нападнал 54-годишен сограѓанин, а со нож му се нафрлил и на полицаец.
„На 02.03.2023 околу 09.30 часот на ул.„Никола Малешевски” во Скопје, полициски службеници од Полициската станица Бит Пазар го лишиле од слобода П.С. од Скопје, затоа што со остар предмет нападнал полициски службеник кој извршувал службени дејствија. Претходно, тој физички го нападнал и М.М.(54) од Скопје“, пишува во полицискиот билтен.
Насилникот бил задржан во полициска станица и по целосно документирање на случајот, против него ќе биде поднесена соодветна пријава, додаваат од МВР.