Македонскиот кошаркар Ненад Димитријевиќ, кој игра за руски Зенит не се појави на подготовките пред претквалификациите за Европското првенство 2029 иако е дел од списокот на повикани репрезентативци.

Селекторот откри дека пред околу три недели, преку тим-менаџерот Бојан Георгиевски, Димитријевиќ најавил дека ќе се приклучи на собирот, но во последните денови не било остварено никакво комуницирање со кошаркарот.

„Во последната недела нема никаков контакт. Не ни се јавуваше на телефон. Можеби најдобро е Георгиевски да го даде конечниот одговор, но од наша страна, за играч со неговиот квалитет, вратите се секогаш отворени“, додаде Илиевски.

Преземено од: Sport.com.mk