Играчот на Дортмунд, Себастијан Але боледува од рак на тестисите
Една од најголемите ѕвезди на Борусија Дортмунд, Себастијан Але, кој треба да биде замена за Ерлинг Халанд (кој се пресели во Манчестер сити) дозна дека има рак и веднаш ги напушти подготовките на тимот.
Але (28) кој е роден во Франција, настапува за репрезентацијата на Брегот на Слоновата коска, поради тешка болест го напушти клупскиот тренинг камп во Бад Рагаз, Швајцарија и итно отпатува назад во Дортмунд.
Тој во понеделникот по тренингот се пожали дека не се чувствува добро, а лекарските прегледи открија дека има рак на тестисите.
– Денешните вести беа шок за Себастијан Але и за сите нас. Цела Борусија му посакува на Себастијан целосно закрепнување што е можно поскоро и дека наскоро ќе можеме повторно да го прегрнеме. Ќе направиме сè што е во наша моќ да се осигураме дека тој го добие најдобриот можен третман – рече спортскиот директор на клубот, Себастијан Кел.
Але во својата кариера настапуваше за Утрехт, Ајнтрахт, Вест Хем и Ајакс каде минатата сезона постигна 32 гола на 50 натпревари, а летово се пресели во Борусија за 34,5 милиони евра.
Sebastien #Haller hat das #BVB-Trainingslager in Bad Ragaz krankheitsbedingt verlassen müssen und ist bereits zurück nach Dortmund gereist. Bei Untersuchungen wurde ein Hodentumor entdeckt.
Gute Besserung, @HallerSeb! 🙏🙏
Weitere Infos: https://t.co/XPaNATxgDI pic.twitter.com/v6hA6MeGLV
— Borussia Dortmund (@BVB) July 18, 2022