Хрватскиот ракометар Игор Карачиќ (36) ќе ја продолжи професионалната кариера во РК Загреб.

Загреб сакаше некој со такво педигре и искуство, особено по заминувањето на Тимур Дибиров и Звонимир Срна, а Карачиќ исто така сакаше да продолжи да игра на високо ниво.

Карачиќ, кој во вторник пристигна во својот роден град Мостар, од каде што во текот на денот ќе отпатува за Загреб, по шест години се збогува со полскиот Киелце.

Имаше и богати и профитабилни понуди од Азија, но изборот падна на неговата татковина и Загреб.

РК Загреб најави прес-конференција за среда, каде што ќе го потврди двегодишниот договор на Карачиќ.

Карачиќ е поранешен играч на РК Вардар 1961 со кој успеа два пати да ја освои Лигата на шампионите во 2017 и 2019 година.