Израелската војска објави дека се идентификувани останките од претпоследниот заложник што остана во Појасот Газа, тајландски државјанин, објави Тајмс оф Израел..

„По завршувањето на процесот на идентификација (…) претставници на израелската војска и Министерството за надворешни работи го информираа семејството на Судисак Ринталак дека неговото тело е вратено (во Израел) за погреб“, објавија тие преку Телеграм.

Според истиот извор, 42-годишникот работел на земјоделски култури. Тој бил киднапиран во кибуцот Беери. Во палестинската енклава, останале само останките на израелскиот заложник Ран Гвили.

Палестинското исламистичко движење Хамас и другите вооружени фракции во Појасот Газа се согласија да ги репатрираат во Израел последните преостанати живи и починати заложници во нивни раце, како дел од договорот за прекин на огнот што стапи на сила, под притисок на САД, на 10 октомври.