И покрај штрајкот на работниците од филмската индустрија во Холивуд, кој трае веќе месец и половина, филмскиот фестивал во Венеција нема да остане без холивудските ѕвезди.

Најстариот филмски фестивал во светот се одржува од 30 август до 9 септември годинава, а потврдено е дека на црвениот тепих ќе прошетаат Адам Драјвер, Џесика Честејн, Кејлеб Ландри Џонс и Мадс Микелсен. Се очекува Адам Драјвер да пристигне на промоцијата на новиот филм на Мајкл Ман „Ferrari“, во кој тој ја игра главната улога, онаа на италијанскиот возач и основач на автомобилската марка Скудерија Ферари, легендарниот Енцо Ферари.

Џесика Честејн ќе дојде за филмот „Memory“ на мексиканскиот режисер Мишел Франко, нејзината прва улога од 2021 година, кога доби Оскар за „The Eyes“ на Тами Феј.

Се очекуваат и Кејли Спени и Џејкоб Елорди, кои ги играат Присила и Елвис Присли во новиот филм „Priscilla“, како и самата Присила Присли.

Сите горенаведени филмови добија привремена дозвола од здружението САГ-АФТРА (SAG-AFTRA) бидејќи не беа продуцирани од членови на АМПТП (AMPTP), против кои моментално штрајкуваат. Венцијанската сцена не беше значително погодена од штрајкот, со само едно откажување на настанот на Армани во кој беше вклучена Кејт Бланшет.

Од режисерската фела, на актерите треба да им се придружат Дејвид Финчер, Софија Копола, Ава ДуВернеј, Мајкл Ман, Јоргос Лантимос и Вуди Ален, како и легендарниот Тони Леунг од Хонг Конг, кому ќе му биде доделена награда за животно дело.