Во Албанија се уште е во сила забраната за поморскиоот сообраќај,но и покрај тоа луксузни јахти почнаа да допловуваат на албанското крајбрежје.

Ним им е дозволено закотвување, добивање одредени услуги, но на туристите не им се дозволува напуштање на пловниот објект.

„Последна од неколкуте е туристичка јахта што доплови во пристанишниот град Драч е јахтата со албанско име „Тануша” и таа е закотвена во централ дел на најголемото албанско пристаниште. Регистрирана е на пристаништето „George Town“, во должина е од 57,5 метри а изградена е 2009 година,пренесува државната агенција АТА.

Од почетокот на мај допловиле осум јахти со различна големина, додека во периодот јануари-април само четири.

Поради пандемијата со ковид-19 албанскиот туризам е една од најпогодени гранки во албанската економија. Како што деновиве изјави првиот човек на Здружението на хотелиери и туризам во Албанија, Зак Топузи загубите во туризмот се проценуваат на над 140 милиони евра.