Претседателот на САД, Доналд Трамп, повторно ги нападна НБА кошаркарите поради нивната одлука да клечат при интонирање на американската химна.

– Мислам дека тоа е срамота. Соработувавме со нив за да можат да ја продолжат сезоната, јас бев заговорник да се продолжи, а сега гледам дека клечат за време на интонирање на химната. Тоа не е прифатливо за мене. Кога ќе видам дека не ги почитуваат нашата химна и знаме, го гасам телевизорот – изјави Трамп.

Одговорот на нападите од Трамп кон кошаркарите, дојде експресно и тоа од најголемата ѕвезда во лигата, Леброн Џејмс.

– Се обидувате да ме насмеете? Навистина не мислам дека кошаркарите и нашите навивачи се тажни поради неговата одлука да не ги гледа нашите натпревари. И тоа е се што имам да кажам. не сакам да влегувам во полемика бидејќи знам до каде би можело да оди ова. Тоа нема да го дозволам – изјави Џејмс кој потоа ги повика Американците да не гласаат за Доналд Трамп на ноемвриските претседателски избори.

– Се надевам дека сите баз разлика на расата, бојата на кожата, големината ќе увидат какви лидери на државата имаме и ќе увидат дека ноември е многу блиску, тоа е голем момент за сите нас. Зборуваме за тоа како сакаме промени и ќе имаме можност да донесеме промени. Натпреварите ќе се играат и без неговото следење преку телевизија. Можам да зборувам во име на сите нас кои ја сакаме кошарката.