Хрватски научник: Руската вакцина е слична со онаа на Оксфорд и може да се покаже ефикасна
Познатиот хрватски научник Гордан Лауц ја коментираше руската вакцина која доби одобрение и покрај малкуте научни податоци дали е ефикасна и безбедна.
Лауц вели дека постои можност руската вакцина да се покаже ефикасна, но исто така предупредува дека ризикот е голем.
„Многу е лесно можно да се покаже таа вакцина како ефикасна“, рече Лауц и додаде:
„Таа вакцина е многу слична според дизајнот на она што го прават на Оксфорд, каде се покажа дека нивната е ефикасна во две фази од испитувањата, но да се премине на вакцинирање на толкав број луѓе без тоа да го знаеме е многу ризично и е очигледно политичка одлука, а не медицинска одлука, рече Лауц на Нова ТВ.
Сомнеж во руската вакцина денеска изрази и Алемка Маркотиќ, директорка на Клиниката „Др. Фран Михајлевиќ“ во Загреб.
„Постои сомнеж на ниво на целата стручна заедница дека тоа била пребрза постапка и дека третата фаза не е спроведена според постапките кои се потребни“, утврди таа.
