Хрватска од 2023-та година спремна да влезе во еврозоната

Ресторани во Загреб/ Фото: EPA-EFE/ANTONIO BAT

Гувернерот на Хрватската Народна банка, Борис Вујчиќ за ХРТ изјави дека ќе стори сé за заштитата на потрошувачите, која според него е на највисоко ниво. 

Вујчиќ денеска разговараше за воведувањето на еврото со потпретседателот на Европската комисија Валдис Домбровскис, како и со премиерот Андреј Пленковиќ, кои изразија верување дека Хрватска ќе биде подготвена да влезе во еврозоната на 1 јануари 2023 година.  

Вечерва, на прашањето колку може да гарантира дека цените нема да дивеат во конверзијата, Вујчиќ одговори дека со сигурност може да гарантира две работи – дека цените не дивееле во други земји („нешто порасна, но не диви“) и дека тој ќе стори сé за да ги заштити потрошувачите. 

“Ќе го искористиме искуството на сите земји што го воведоа еврото досега и кои се покажаа како добри. На пример, однапред објавување на цените, пред воведувањето на еврото и по воведувањето на еврото, така дека секој – дали да оди во продавница за да купи намирници, да пие кафе – може да види месеци однапред каква е цената во евра од истиот производ, што ќе се купува само во евра од 1-ви јануари. А потоа, такво двојно објавување на цените ќе продолжи, така што потрошувачот не може да се доведе во заблуда на кој било начин “, рече Вујчиќ.  

Вујчиќ, исто така, најави развој на етички кодекс, како дел од кој компаниите ќе побараат да ветат правично однесување при конверзија од куната во еврото. На прашањето дали имаат алатки за да ги држат промените под контрола, Вујчиќ рече дека на никој не може да му се каже колкави ќе бидат цените, но дека притисокот од јавноста, мониторингот и транспарентноста ќе дадат резултати. 

7.53 е централниот паритет што го постави Европската централна банка, а Вујчиќ рече дека овој курс најверојатно ќе биде оној со кој Хрватска ќе влезе во еврозоната. 

Видео на денот