ХОРОР ВО СРБИЈА: Го избодел својот сосед поради кавга за ролетна
Кавга поради ролетни довела до убиство, откако 41-годишен маж бил уапсен поради сомнение дека го убил својот 62-годишен сосед ноќта помеѓу неделата и понеделникот.
Тој наводно го избодел со нож, по што несреќникот им подлегнал на повредите.
Како што пренесуваат српските медиуми, злосторството се случило во влез од зграда, каде убиецот ја избодел жртвата во градите и стомакот, а потоа се вратил во својот стан, каде бил и уапсен.
Се претпоставува дека мотивот за убиството е расправија и нетрпеливост.
– Не знам на кој му сметаше чија ролетна, но слушнав дека поради неа се расправаа два часа. Во еден момент, соседот слушнал како Добрица му вика на несреќниот Божидар: „Чекај, сега ќе ти вратам!“. Веројатно после ова се вратил со ножот и го избодел во градите. Негова роднина вели дека еден од убодите бил директно во срцето – раскажала сосетка.