Холандската натпреварувачка во брзо лизгање Фемке Кок, светска рекордерка и оваа сезона непобедлива на патеката од 500 метри, денеска на Зимските олимписки игри во Милано го освои златниот медал лизгајќи ја таа дистанца за 36,49 секунди, што е нов олимписки рекорд, но и светски рекорд на патеки на ниво на море.

Кок се натпреваруваше во последната трка на денот, каде што се соочи со актуелната олимписка шампионка Ерин Џексон од САД.

Од самиот почеток, Холанѓанката одржуваше силно темпо и брзо се здоби со водство, кое самоуверено го одржуваше до крајот. Со овој триумф, таа ѝ го донесе на Холандија петтиот златен медал на овие Зимски олимписки игри, како и вториот златен медал во дисциплините на долго лизгање.

Сребрениот медал го освои нејзината сонародничка Јута Лердам со време д 37,15 секунди).

Така двете ги заменија местата и медалите, во споредба со трката на 1.000 метри пред неколку дена.

Јапонката Михо Такаги го освои третото место со резултат од 37,27 секунди.