Хоан Гарсија ќе биде нов голман на шпанскиот фудбалски клуб Барселона, пренесува новинарот Фабрицио Романо на социјалните мрежи.

Откупната клаузула во вредност од 25 милиони евра ќе му биде исплатена на Еспањол следната недела – како дел од веќе постигнатиот договор.

Гарсија го прифати предлогот на Барса пред неколку дена за петгодишен договор, а формалните чекори ќе следат следната недела.

Еспањол сезонава успеа да обезбеди опстанок во најсилното шпанско првенство освојувајќи го 14 место со само два бодови повеќе од Леганес кој заврши во зоната за испаѓање од лигата.

Гарсија, 24-годишниот чувар на мрежата оваа сезона во Ла Лига запиша вкупно 38 настапи. Пред да се пресели во првиот тим, од 2019 до 2021 година ги бранеше и боите на Еспањол Б.